"Little Red Riding Hood" - Puppet Theatre

 Esta semana vivimos un recreo diferente e moi especial na nosa biblioteca escolar. O alumnado de 6º de Primaria preparou unha representación de marionetas do conto tradicional de Carapuchiña Vermella e compartiuna cos seus compañeiros e compañeiras durante o tempo de recreo. 🐺🧺👧

O máis interesante desta actividade é que a obra foi representada en inglés, poñendo en práctica dunha forma divertida e significativa todo o aprendido na aula.✨

Esta experiencia achega numerosos beneficios ao alumnado:

🔹 Mellora da expresión oral e da pronunciación en inglés.

🔹 Aumento da confianza e da seguridade ao falar diante doutras persoas.

🔹 Desenvolvemento da creatividade e da imaxinación a través do teatro e das marionetas.

🔹 Fomento do traballo en equipo, da cooperación e da responsabilidade compartida.

🔹 Promoción do gusto pola lectura e polos contos tradicionais.

🔹 Conversión da biblioteca nun espazo vivo de encontro, aprendizaxe e convivencia. 📚❤️

Queremos felicitar ao alumnado de 6º polo seu esforzo, entusiasmo e excelente actuación 👏🎉 que foi supervisada e preparada pola profesora Iria🌟

Sen dúbida, foi un recreo cheo de aprendizaxe, diversión e ilusión que todos e todas desfrutamos moito. Agardamos repetir pronto! 😊🎭📖