Chegan as mochilas viaxeiras a Labaca!

 Na nosa biblioteca escolar estamos moi ilusionados por anunciar unha nova iniciativa que fará viaxar a lectura e a aprendizaxe ata as casas: as mochilas viaxeiras! 🚀💫

Cada aula contará cunha mochila que irá pasando por todo o alumnado. Cada neno e nena terá a oportunidade de levala para casa durante unha semana, de martes a luns, para gozar en familia dunha experiencia chea de descubrimentos 📖👨‍👩‍👧‍👦.

Dentro de cada mochila atoparedes unha coidada selección de materiais:
🧩 Xogos pedagóxicos
📜 Libros de poesía
📘 Libros de consulta relacionados co proxecto de centro
📚 Libros de ficción en galego e castelán
💥 E, para os máis maiores, tamén un cómic

Trátase dunha oportunidade fantástica para compartir tempo de lectura, aprender xogando e reforzar o vínculo entre a escola e as familias 💡❤️.

📒 Ademais, cada mochila inclúe un caderno e unhas normas de uso:

- Hai unha mochila viaxera por aula.

- En cada mochila haberá un caderno para que anotedes:

• As incidencias que poida haber en relación ao contido da mochila e a data na que se producen.
• Opinións sobre o contido da mochila.
• Suxerencias sobre novos materiais que podemos adquirir para a biblioteca do centro.

- Podedes ter a mochila na casa durante unha semana, de martes a luns.

É moi importante o coidado da mochila e dos materiais (coidaremos especialmente os xogos que conteñen pezas e as súas instrucións para que todos poidamos desfrutar deles no mellor estado posible), así como a devolución no prazo indicado. Se non cumprimos este último punto, os nosos compañeiros e compañeiras non poderán participar na actividade esa semana.

💫 “Unha mochila chea de historias, xogos e ilusións… lista para viaxar de casa en casa!” 🎒📚