"Recomendadoiro" (5ºEI)

 Na nosa biblioteca escolar cada vez hai máis voces que nos axudan a escoller boas lecturas! Nesta ocasión, o alumnado de 5ºEI participou no noso recomendadoiro compartindo un libro que lles encantou: Princesa Kevin.

🔍 Sobre Princesa Kevin
Princesa Kevin é un libro ilustrado escrito por Michaël Escoffier, que conta a historia de Kevin, un neno que para a festa de disfraces do cole decide ir vestido de princesa, con vestido, tacóns e incluso maquillaxe. Kevin está convencido de que ese é o seu mellor disfraz e quere vivilo con orgullo, rompendo as expectativas do que “debería” facer ou non facer segundo o que pensan os demais.

✨ Que valores se poden traballar con este libro?

• Diversidade e identidade.

• Liberdade de escolla e autoexpresión.

• Romper coas expectativas sociais.

Os alumnos e as alumnas que o leron comentaron que lles gustou especialmente a forma en que Kevin vive a súa propia idea de “ser princesa” e que lles fixo pensar en como cada persoa pode sentirse ben sendo ela mesma.

#🐘📚💖