A nova biblioteca de Labaca !

Estamos moi emocionados de compartir con todos vós as incribles transformacións que se fixeron na nosa biblioteca escolar! 🙌📣

Deixamos por aquí un petisco do que vos atoparedes nela 👇

Durante os últimos meses, realizamos unha serie de 🚧obras🚧 que a deixaron completamente renovada e lista para acoller a todo o noso alumnado.

Primeiro, pulimos e vernizamos o chan, o que lle deu un aspecto máis brillante e acolledor. As paredes foron pintadas de branco, creando un ambiente máis luminoso e motivador para a lectura e o estudo. Pero o cambio máis visible é o novo mobiliario: estanterías modernas e resistentes, mesas multifuncionais e movibles que permiten diferentes disposicións, e cadeiras cómodas para os máis pequenos. Tamén hai unha mesa e unha cadeira especialmente pensadas para o profesor, para facilitar as actividades e o acompañamento durante as sesións. E como non, alfombras moi acolledoras para os pequerrechos/as do cole!

Ademais, incorporamos 📚novos libros📚 catalogados e organizados para que sexa máis doado atopar as lecturas favoritas. E, por suposto, non faltan os 💻ordenadores💻, que permitirán aos alumnos facer traballos de clase, investigar e explorar novas ideas de xeito máis interactivo.

Velaquí os cambios máis chamativos en fotos:

A verdade é que a biblioteca está completamente cambiada e moito máis atractiva. O alumnado está encantado con todas estas novidades e non poden esperar a setembro para comezar a desfrutala ao máximo. Estamos seguros de que será un espazo que inspirará a todos a aprender, descubrir e gozar da lectura.

Vémonos na nosa nova biblioteca, un lugar de soños e coñecemento!📣

#🐘📚💖